Takmarkanir á farangri

Eftirfarandi er ekki heimilt að taka með sér í handfarangri:

A) Byssur, skotvopn og vopn
Sérhver hlutur sem skot getur eða virðist geta hlaupið úr eða sem getur eða virðist geta valdið skaða, þ.m.t.: Öll skotvopn (skammbyssur, rifflar, haglabyssur o.s.frv.), Eftirlíkingar eða stælingar skotvopna, íhlutir skotvopna (undanskilin er sjónaukamið og önnur mið), loftbyssur, -rifflar og -haglabyssur, merkjabyssur, rásbyssur, leikjabyssur af öllum gerðum. Kúlubyssur (ball bearing guns), bolta- og naglabyssur til nota í iðnaði, krossbogar, teygjubyssur og slöngur, skutul- eða spjótbyssur, rafmagnsvopn af öllum gerðum, einnig í byssulíki (taser), kveikjarar í byssulíki.

B) Oddhvöss eða beitt vopn og hlutir
Oddhvassir eða beittir hlutir sem geta valdið skaða, þ.m.t.: Axir, krókar, mannbroddar, örvar og kastpílur, skutlar og spjót, ísaxir og stingar, skauta, láshnífar eða fjaðurhnífar, óháð lengd blaðs, hnífar (úr málmi, eða öðru efni sem er nógu stíft til að hægt sé að nota það sem hugsanlegt vopn, einnig hnífar sem eru notaðir við siða- og trúarathafnir), kjötaxir, sveðjur, rakhnífar og rakblöð, höggsverð, sverð og korðar, skurðhnífar, skæri með lengra en ca.6 cm blaði, skíða- og göngustafir, kaststjörnur, verkfæri iðnaðarmanna sem hugsanlega má nota sem oddhvasst eða beitt vopn, t.d. borvélar, lausir borar, pappahnífar, hnífar til atvinnu, allar sagir, skrúfjárn, kúbein, hamrar, tangir, skiptilyklar/skrúfulyklar og blússlampar.

C) Bitlaus áhöld og tól
Bitlaus áhöld sem geta valdið skaða, þ.m.t.: Hafnaboltakylfur, kylfur og stafir af öllum gerðum, stífir eða sveigjanlegir, krikketkylfur, golfkylfur. Ísknatteikskylfur, balar (Lacrosse- kylfur), kajak- og kanóárar, hjólabretti, kjuðar fyrir ballskák, veiðistangir, búnaður fyrir sjálfsvarnaríþróttir, svo sem hnúajárn, rotkylfur og aðrar kylfur, þreskijárn o.s.frv.

Eftirfarandi er ekki heimilt að taka með sér í farangri (hvorki innrituðum né handfarangri):

D) Sprengiefni og eldfim efni.
Sérhver sprengiefni eða eldfim efni sem eru hættuleg heilsu farþega og áhafnar eða vernd/öryggi loftfars eða eigna, þ.m.t.: Skotfæri, sprengihettur, hvellhettur og sprengiþræðir, sprengiefni og sprengibúnaður, jarðsprengjur og aðrar sprengifimar hernaðarbirgðir, handsprengjur af öllum gerðum, gas og gaskútar t.d. bútan, própan, kolvetnisgas og súrefni - í stórum umbúðum, skoteldar, blys af öllum gerðum og annar skotelda- og hvellbúnaður, þ.m.t. samkvæmis- og leikjasprengjur, eldspýtur, aðrar en venjulegar, reykhylki og reykdósir, fljótandi eldsneyti, t.d. bensín, dísilolía, kveikjaralögur, alkóhól og etanól, málning í úðabrúsum, terpentína og þynnir, áfengir drykkir með meira en 70% vínanda miðað við rúmmál.

E) Íðefni og eiturefni
Öll íðefni og eiturefni sem eru hættuleg heilsu farþega og áhafnar eða flugvernd/öryggi loftfars eða eigna, þ.m.t.: Sýrur og lútarefni, t.d. vökvafylltar rafhlöður, tærandi og bleikiefni t.d. kvikasilfur og klór, lamandi úðaefni, t.d. úðavopn (Mace), piparúði og táragas, geislavirk efni, þ.m.t. samsætur (ísótópar) til afnota við lækningar og sem verslunarvara, eitur, smitefni eða hættuleg lífefni, t.d. smitað blóð, bakteríur og veirur, sjálfsíkveikjandi og eldfim efni og slökkvitæki.

Athugið sérstakar reglur um notkun rafbúnaðs í flugi

Athugið sérstakar reglur varðandi skotvopn og skotfæri í innrituðum farangri.

Athugið að sömu reglur gilda hjá Air Iceland Connect um takmörkun farangurs og hjá Icelandair, sjá nánar hér, vinsamlegast hafið samband við þjónustuver til að leita frekari upplýsinga eða sækja um leyfi.