Air Iceland Connect hefur gripið til ýmissa ráðstafana og aukið viðbragðsgetu innan félagsins til að bregðast við Covid-19 veirunni. Öryggi og velferð farþega og starfsfólks okkar er ávallt í fyrirrúmi. Við fylgjumst grannt með þróun mála, erum í samskiptum við sóttvarnarlækni og Landlæknisembættið og fylgjum leiðbeiningum og verkferlum embættisins á hverjum tíma.
Við leggjum áherslu á reglulega upplýsingagjöf til áhafna og farþega sem og aukna vöktun. Við höfum yfirfarið og eftir tilvikum uppfært verkferla og viðbragðsáætlanir í samvinnu við viðbragðsaðila hér á landi. Þá hefur verið gripið til varúðarráðstafana með viðbótarbúnaði um borð í vélum Air Iceland Connect, svo sem sótthreinsiefni, andlitsgrímum og hönskum þegar við á.
Flug og alþjóðaflugvellir eru undanþegnir samkomubanni og þeim kröfum sem þar eru gerðar. Air Iceland Connect fer þó að fullu eftir ákvæðum samkomubanns þar sem því verður við komið. Í samráði við Embætti landlæknis eru eftirfarandi sértæku aðgerðir tengdar fluginu í framkvæmd.
• Ítrekað að farþegar og starfsmenn í flugstöð fylgi 2ja metra reglu af fremsta megni.
• Spritt-standar aðgengilegir í flugstöð.
• Engin veitingaþjónusta um borð.
• Unnið með smitrakningateymi Almannavarna og þeirra leiðbeiningum fylgt.
• Farþegum ekki heimilt að færa sig úr því sæti sem úthlutað er við innritun.
• Flugstjórnarklefi lokaður.
• Aukin þrif byggð á leiðbeiningum EASA (Flugöryggisstofnun Evrópu).
Almennar ráðleggingar til að draga úr sýkingarhættu
Embætti landlæknis og almannavarnadeild ríkislögreglustjóra standa að baki covid.is en þar má finna allar upplýsingar um Covid-19 á Íslandi og ráðleggingar til almennings.
Smelltu hér til að fara á upplýsingavef um Covid-19